Kaun VIP?

gatte se dhara, kaanoon khada
sharmasaar sanvidhaan, maang rahi maafi hai
            kyuki culture apna VIP hai
har aam insaan, bana saamaan
loktantra bhi chhupke chillati hai
           kyuki culture  apna VIP hai

tpaatee pyaas, aur thaharati nafaas
par khafilon ka silsila abhi baaki hai
          kyuki culture apna VIP hai

sahmee si aabaru, aur lalchaate aarzu
ho rahi chaudi dekho kaisi chhaati hai
          kyuki culture apna VIP hai

mutthi bhar nawaab, aur kuchalte behisaab
kaafiron ki aawaaz bhi yahaan gusaakhi hai
          kyuki culture apna VIP hai.